اجمل المشاهد في الافلام المصرية

كليشيهات الدراما المصرية 

 

1- كل الأفلام اللي بطلها مطرب من أيام محمد فوزي لحد تامر حسني ماشية بنظام واحد، شاب فقيـ.ـر بس صوته حلو، بيحب بنت غنية، بيحصل بينهم سوء تفاهم ويسيبوا بعض، بعد كدا هو بيوصل وبيتشهر وسوء التفاهم اللي بينهم يتحل ويرجعوا لبعض ويغنيلها أغنية في آخر الفيلم 

2- في أي فيلم عربي أول ما تشوف خنـ.ـاقة على مركب تأكد ان المركب دي هتنفـ.ـجر في اخر الخنـlقة والبطل والبطلة هينطوا منها في اخر لحظة ويسيبوا العصـ.ـابة الشـ.ـريرة تتـ.ـحرق .

3- فيه حد معاه مستندات خـ.ـطيرة تودي الكل في دlهية، والمستندات دي بتبقى عبارة عن ورق كتير جدا انت بتفهم اللي فيه من أول سطر، يعني أول ما الورق دا يقع في إيد الظابط يادوبك يبص عليه بصة صغيرة ويروح قايل دا كلام يودي في دlهية، يعني لو الاعتراف مكتوب جاهز في أول سطر بفونت 24 مش هيلحق يفهمه بالسرعة دي 

4- في كل الأفلام الدينية فيه نوعين من الكفـ.ـار، كـ.ـفار شكلهم وحـ.ـش وصوتهم وحش وبياكلوا الرز بإيديهم ودول ربنا مبيهديهمش أبدا، وكفـ.ـار لابسين كويس وأسلوبهم شيك وبيقولوا لأمهاتهم يا أماه ودول بيدخلوا الإسلام في آخر الفيلم .

5- فيه مشهد خنـ.ـاقة في مكان عام ( غالبا خمارة ) المشهد دا بيحصل من أيام رصيف نمرة خمسة، الخنـ.ـاقة بتبدأ باتنين بيضـ.ـربوا بعض وفجأة كل اللي موجودين في المكان يكـ.ـسروا الكراسي على ادمغة بعض بدون أي سبب، زي ما تكون عدوى وانتشرت في وسطهم ..

6- لو عايز متمـ.ـوتش البطل دلوقتي هات الرصاصة في كتفه، رصاصة الكتف أمان زي تطعيم شـ.ـلل الأطفال كدا، بتعمل شوية سخـ.ـونية وتخديل في الدراع وبيخف منها بعد مشهدين بالظبط .

7- لما البطل بيضـ.ـرب الأشرlر بتحصلهم حاجة غريبة أوي، أي حد بياخد بوكس، ألـ.ـم، شلوت بيتكوم في الأرض وبيغمى عليه لحد آخر الخنـlقة كإنه اترش بمبيد حشري، بينما البطل بيفرهد كل ممثلين الفيلم ويتضـ.ـرب بالسكاكين والرصاص المطاطي وتد9س عليه تريلا محملة رز ويفضل يتنطط زي القرد ..

8- أي حد بياخد رصاصة أو خنجر أو يتضـ.ـرب بالرجول في بطنه بينزل د.م من بؤه في النهاية ..

9- أي اسكندرانية بيقولوا أيوه وأحيه طول الوقت، حتى في العزا وأعياد الميلاد، اسكندراني يبقى تقول أيوه وأحيه وانت ساكت، وبيقفوا على الإمة وبياكلوا فلافل وبيقولوا آني وبيتكلموا بصيغة الجمع حتى لو بيتكلموا عن شخص واحد، لازم يكبروا الموضوع .

10- أي حد سرحان وهو سايق بيتقلب بالعربية أو بيلبس في شجرة ..

11- لو البطلة ليها ابن خالة يبقى عيل غلس وغتت وعنده حبوب شباب في وشه وعايز يتجوز البطلة بس هي مبتحبوش وبتحب زميلها الفقيـ.ـر وامها عايزة تجوزها ابن خالتها وبيقعد يرازي البطل طول الفيلم لحد ما يتكشف في الآخر وخالته والبطلة والمشاهدين يكـ.ـرهوه ..

12- في افلام حـ.ـرب اكتوبر، أي عسكري دمه خفيف وبيعمل مقالب في زمايله وبيغني أحيانا والكتيبة كلها بتحبه دا بيمـ.ـوت شهيد في الآخر .

13- أي واحدة قليلة الرباية ومش محترمة هتتجوز عرفي أو تغلط مع زميلها وهي سكرlنة هتحمل المشهد اللي بعده، حتى لو عندها 75 سنة وشايلة الرحم وهي في تانية اعدادي وشنبها أتقل من شنب أمير كرارة، طالما في الحرlم يبقى هتحمل إن شاء الله .

14- لازم البطل والشـ.ـرير رصاصهم يخلص في نفس الوقت ويكملوا بقية الخنـlقة مانيوال 

15ـ لو البطل دخل السـ ـجن يبقى لازم يقابل كبير الـ ـسجن اللي بيحط عليه في الأول ويكدره وبعدين بيبقوا أصحاب ولما بيخرجوا دا اللي بيساعد البطل يجيب حقه 

16ـ عايز تخلي البطل يتعـ ـمي أو يفقد الذاكرة سهلة، خبـ.ـطة على دماغه، عايز ترجعله بصره أو ذاكرته تاني ؟ أسهل .. نفس الخبـ.ـطة على دماغه

17ـ أي واحدة متخـ ـانقة مع جوزها وبعدين سابت البيت ومشيت وقعدت شوية مع نفسها وقررت تصالحه وتجيبله ورد، من موقعي هذا بقولها مترجعيش البيت، هتلاقي جوزك بيخـ.ـونك

18ـ مشهد القـ ـنبلة الموقوتة اللي التايمر بتاعها بيعد 60 ثانية تنازلي، المشهد دا عمره ما كان أقل من 4 دقايق، فجـ.ـروها بجد وخلصونا 

19ـ أي زوجة بتقف جنب جوزها في زنـ.ـقته وبتبيع دهبها عشانه بيتجوز عليها في الآخر، ودي قاعدة عامة ملهاش غير استثناء واحد ( الحاج عبد الغفور البرعي )